Slide content

Slide content

Slide content

საინჟინრო სეისმოლოგია

ინჟინრული ამოცანების გადაწყვეტა

• შენობა-ნაგებობების მოდელური ანალიზი (საკუთარი პერიოდებისა და ფორმების მიხედვით);
• ვიბრაციული დონეების დადგენა (სანიტარული. ტექნოლოგიური, კონსტრუქციული და სხვა ნორმების შესაბამისად);
• შენობა-ნაგებობების დაზიანების ხარისხის შეფასება (ბუნებრივი და ტექნოგენური კატასტროფების შემთხვევაში);
• ლიცენზირებული პროგრამები EZFRISK, Openquake, ELER V3 რომელიც საშუალებას გვაძლევს გადავწყვიტოთ შემდეგი ამოცანები:
• სეისმური საშიშროების ალბათური შეფასება პიკურ და სპექტრალურ აჩქარებებში;
  სეისმური საშიშროების დეზაგრეგაცია;
• სეისმური საშიშროების დეტერმინისტული შეფასება, სცენარული მიწისძვრების გათვლა ;
• საინჟინრო სეისმოლოგიის ამოცანები:

გაგრძელება>>

ჰიდროგეოფიზიკისა და გეოთერმიის ამოცანები

ჰიდროგეოფიზიკის  თანამედროვე მეთოდებით  მიწისქვეშა წყლების რესურსების შესწავლა, მათი ასაკის და დინამიკური რეჟიმის დადგენა გარემოს დაჭუჭყიანების  შესამცირებლად, საინჟინრო ამოცანების გადასაწყვეტად და განახლებადი ენერგიის წყაროების შესაქმნელად

• მიწისქვეშა წყლების ეკოლოგიური - სტაბილური და რადიაქტიული იზოტოპების „ტრასერებად“ გამოყენებით წყლის ნაკადის მოძრაობის გზების დადგენა და დაბინძურების ხარისხის შეფასება;
•  წყალშემცველი ჰორიზონტების ჩაწოლის სიღრმისა და სივრცეში განლაგების დადგენა კვლევის გეოლოგიური და გეოფიზიკური მეთოდების გამოყენებით;

 გაგრძელება>>

საინჟინრო გეოფიზიკა

საინჟინრო გეოფიზიკის მეთოდებით (სეისმური, ელექტრული, მაგნიტური, გეორადიოლოკაცია) სამშენებლო მოედნების გეოლოგიური სტრუქტურის დადგენა, მეწყრების, ღვარცოფების და სხვა მავნე ეგზოგენური პროცესების შესწავლა და რისკის შემცირება.

დიდი საინჟინრო ობიექტების დეფორმაციების ავტომატური ტელემეტრული მონიტორინგის და ადრეული შეტყობინების სისტემები (განხორციელებულია ენგურის საერთაშორისო გეოდინამიკური პოლიგონის ბაზაზე)

ქ. თბილისში, პუშკინის ქუჩის რეკონსტრუქციისათვის გეოფიზიკური მეთოდებით ჩატარებული გამოკვლევები - ნაჩვენებია სეისმურ ჭრილებში  გამოყოფილი გეოფიზიკური თვისებებით განსხვავებული სამი ძირითადი შრე.  შედეგები სრულად დადასტურდა ჭაბურღილების მონაცემებით.

 გაგრძელება>>

გეორადიოლოკაცია (გეორადარი)კონსტრუქციების კონტროლსა და საინჟინრო არქეოლოგიაში

გეორადარი გამოიყენება ბეტონის კონსტრუქციებში არმატურების, მილების, კაბელების,

სიცარი­ელეების, დეფექტური უბნების ზუსტი ადგილ­მდებარეობის დასადგენად ბურღვისა და გამონგრევის გარეშე რეალურ დროში, რაც ძალზე სასარგებლოა რემონტების და რეკონსტრუქციის დროს. გეორადარი ბოლო წლებში სულ უფრო ხშირად გამოიყენება დიდი საინჟინრო ობიექტების სამშენებლო მოედნებზე დაფარული არქეოლოგიური ძეგლების სწრაფი დაძიებისათვის. არქეოგეოფიზიკა შესაძლებლობას იძლევა სწრაფად, იაფად და ზუსტად დადგინდეს დაფარული ობიეექტის (ძეგლის) ადგილმდებარეობა, მისი ჩაწოლის სიღრმე, ზომები და სხვა დეტალები.

გაგრძელება>>

საშიში ბუნებრივი მოვლენები და
ადრეული შეტყობინების სისტემები

საქართველოს ტერიტორია ერთ-ერთი ყველაზე მოწყვლადი მაღალმთიანი რეგიო­ნია მსოფლიოში. ინსტიტუტი ამუ­შავებს ღვარცოფების/მეწყრების ადრე­ული შეტყობინების ტელემეტრული სისტემებს (აშტს), რაც გულისხმობს ეკონომიური და სანდო გეოფიზიკური მონიტორინგის ინოვაციური კომპლექსის შექმნას ავტონომური კვებით, რომე­ლიც გვამცნობს კატასტროფული მოვლე­ნის მოახლოებას (დაწყებას) რადიოს­იგნალების ან ინტერნეტის საშუალებით. ფაქტობრივად, დანადგარი წარმოადგენს დიაგნოსტურ სისტემას, რომელიც უწყვე­ტად აგროვებს ლოკალურ ინფორმ­აციას, ადარებს მას წინასწარ შემუშავებულ კრიტერიუმებს (სინო­ტივის, დახრების და დიფერენ­ციალური აჩქარების კრი­ტი­­­კულ მნიშვნელობებს) და იღებს გადაწყვე­ტილებას სხვადასხვა დონის გამაფრთხილებელი სიგნალის დისტანციური გადაცემის შესახებ.­

გაგრძელება>>

გეოეკოლოგიური უსაფრთხოება

თუ გსურთ ახალი მშენებლობის წამოწყებისას ან რაიმე ობიექტის შეძენისას იცოდეთ -რამდენად მდგრადია ეს სამშენებლო მოედანი ან შენობა კატასტროფებისადმი (მიწისძვრა, მეწყრები, წყალმოვარდნები), პროფესიონალები გაგიწევენ კონსულტაციას - დაადგენენ თქვენი ოფისის თუ საცხოვრებელი სახლის მოსალოდნელ საშიშროებათა დონეს.
ყოველი სახის კონსულტაციაზე გაიცემა შესაბამისი სერტიფიკატი, სადაც დაზუსტებული იქნება რისკის დონე და კონკრეტული რეკომენდაციები, რომლებიც ხელს შეუწყობენ ობიექტის მდგრადობის გაუმჯობესებას ამა თუ იმ საშიშროების მიმართ.
ჩვენ დაგიდგენთ:
სეისმურ საშიშროებას (აქტიური რღვევის სიახლოვე, მოსალოდნელი ბალი, პიკური და სპექტრალური აჩქარება);
ბუნებრივი მულტი-საშიშროებების კარტირებას (12 საშიშროება);
გრუნტის, ფუნდამენტისა და შენობის მდგომარეობას (მდგრადობას);
რადიოაქტივობის დონეს, რადონის კონცენტრაციას;
ელექტრომაგნიტური გამოსხივების დონეს;
ხმაურის დონეს;
წყლის შემადგენლობას/ხარისხს/ასაკს;
ჰაერის ხარისხს/დაჭუჭყიანებას;
მეწყრის, ღვარცოფის და გრუნტის დაწევის საშიშროებას;
გეომაგნიტურ პროგნოზს;
ავტომატური ტელემეტრული მონიტორინგის ოპტიმალურ სისტემას.